VARGI et VARINGI

VARGI, et VARINGI

Anglo-Dani mediô aevô sunt dicti, qui ex Anglia pulsi, a Normannis, Byzantinorum Imperatorum obsequio sese mancipârunt, Βαράγγοι apud Scriptores huius Imperii passim. Nempe Waringe Anglis maledictio est, anathematizatio, et Vargus in L. Sal. et Ripuar. bannitus, qui latrocinando victum sibi comparare cogitur, a Latino vagus, qua de voce multa Savaro ad Sidon. l. 6. Ep. 4. ita ut Varingi, perinde ac Vargi, exules fuerint, et banniti, eosque Normanni voce Anglicâ tunc receptâ et probrosâ Vargos Varingosque appellârint. vide praefatum Glossarii Auctorem, Not. ad Vilharduinum, et Annam Comnenam.